जाणून घ्या हळदीचे आपल्याला होणारे १० फायदे

0
484
10-benefits-of-turmeric
10-benefits-of-turmeric

आपल्या रोजच्या जेवणात सर्रास वापरला जाणारा पदार्थ म्हणजे हळद. कुठलाही पदार्थ बनवताना आपण फोडणीमध्ये प्रथम हळद घालतो. हळद ही अत्यंत गुणकारी समजली जाते. तर आपण आता जाणून घेऊया हळदीचे आपल्याला नियमित होणारे फायदे :-

१) हळदीत असलेले नैसर्गिकरित्या उपलब्ध असलेले ’करक्युमिन’ नावाचे रसायन अत्यंत प्रभावी आणि गुणकारी असते. त्यामुळे आपल्या शरीरातील सूज कमी करण्यासाठी त्याचा उपयोग होतो.

२) बऱ्याचदा आपण डोकेदुखीने हैराण असतो, अशावेळी हळदीचे पाणी पिण्यामुळे आपल्या डोक्याला शांत होण्यास मदत मिळते.

३) हळदीचे पाणी नियमितपणे पिण्याने आपली बुद्धी तल्लख होण्यास मदत होते.

४) ज्या मुलींना अथवा स्त्रियांना मासिक पाळीची समस्या भेडसावत असेल त्यांनी नियमित हळदीचे पाणी सेवन केल्यास त्यांना त्याचा उपयोग होतो.

५) ज्याचे पोट साफ होत नसेल त्यांनी गरम पाण्यात लिंबू, हळद आणि मध टाकून ते पाणी घेतल्यास शरीरातील विषारी घटक बाहेर पडण्यास मदत होते आणि पोटही साफ होते.

६) अतिरिक्त वजन वाढ कमी करण्यासाठी सोपा उपाय म्हणजे हळदीचे पाणी नियमितपणे पिणे, त्याने वजन कमी होण्यास मदत होते.

७) हळदीच्या पाण्याच्या सेवनाने पचनक्रिया सुधारण्यास मदत होते आणि होणारी जळजळ थांबते.

८) हळदीमध्ये असे एक अँटीऑक्सिडेंट आहे, जे कर्करोगाच्या पेशींना नष्ट करण्यास मदत करते, यामुळे कर्करोग असलेल्या रुग्णाला हळद उपयोगी पडते.

९) हळद घातलेले दुध प्यायल्याने त्वचेबाबत त्वचेच्या खाज, इंफेक्शन या सारख्या बऱ्याच समस्या दूर होतात. तसेच त्वचेत एक चमक निर्माण होते

१०) दूध आणि हळद यामुळे आपल्या शरिरातील हाडे अधिक मजबूत होण्यास मदत मिळते. तसेच रोग प्रतिकार शक्ती वाढण्यास मदत होती.