बॉलिवूड अभिनेत्री मीनाक्षी शेषाद्री ही फिल्मी दुनियेतील एक मोठा चेहरा आहे.आपल्या छोट्याशा कारकिर्दीत तिने आपल्या अभिनय कौशल्याने आणि सौंदर्याने लोकांची मने जिंकली आहेत.मीनाक्षी बऱ्याच दिवसांपासून लाइमलाइटपासून दूर आहे. अलीकडे अचानक तीच्या निक्सध’ना’च्या अफवा पसरू लागल्या,त्यामुळे तिचे चाहते आणि हितचिंतक अस्वस्थ झाले. मात्र,मीनाक्षीला जेव्हा ही गोष्ट समजली तेव्हा तिने स्वतः ही अफवा खोटी ठरवली.
अभिनेत्रीने इन्स्टाग्रामवर स्वतःचा एक फोटो शेअर केला आहे ज्यामध्ये ती योगा करताना बसलेली दिसत आहे.साहजिकच वयाचा प्रभाव अभिनेत्रीच्या चेहऱ्यावर दिसतो पण तिच्या फिटनेसमुळे तिचे वय चुकीचे ठरत आहे.फोटो शेअर करताना अभिनेत्रीने लिहिले – डान्स पोज.मात्र,त्यावर निळ्या रंगाचे टिक चिन्ह नसल्याने हा त्यांचा अधिकृत आयडी आहे की नाही,याबाबत शंका व्यक्त होत आहे.
मीनाक्षी शेषाद्रीने अभिनय सोडल्यानंतर आता अभिनेत्री तिच्या वैवाहिक जीवनात व्यस्त आहे आणि बऱ्याच काळापासून लाइमलाइटपासून दूर आहे.अभिनेत्री पती आणि मुलांसह अमेरिकेत राहत आहे.मीनाक्षीला पाहून चाहते आश्चर्यचकित झाले असले तरी आता ही अभिनेत्री पूर्वीसारखी दिसत नाही.पण वयाच्या ५७ व्या वर्षीही तीने आपला फिटनेस जपला आहे,तो कौतुकास पात्र आहे आणि प्रेरणाही आहे.
मीनाक्षीने १९९५ मध्ये लग्नानंतर चित्रपटांपासून दुरावले होते.अभिनेत्रीने इन्व्हेस्टमेंट बँकर हरीश म्हैसूरशी लग्न केले, त्यानंतर तिने तिच्या १२ वर्षांच्या बॉलिवूड करिअरला पूर्णविराम दिला.
मीनाक्षी शेषाद्रीने १९८३ मध्ये ‘पेंटर बाबू’ या चित्रपटातून आपल्या करिअरची सुरुवात केली होती.या चित्रपटात ती राजीव गोस्वामीसोबत दिसली होती.मात्र १९८३ मध्ये प्रदर्शित झालेल्या ‘हिरो’ या चित्रपटातून तिला ओळख मिळाली.या चित्रपटात ती जॅकी श्रॉफसोबत रोमान्स करताना दिसली होती.
अभिनेत्रीने तिच्या करिअरमध्ये लव्ह मॅरेज,हीरो, मेरी जंग, आवारा बाप,लव्हर बॉय,अल्लाह रखा,दिलवाला,सत्यमेव जयते,मुकद्दर का फैसल,बीस साल बाद,तुफान,घायाळ, दामिनी आणि घटक या चित्रपटांमध्ये काम केले.
